نئی دہلی: میڈیا اینڈ انٹرٹینمنٹ اسکل کونسل (ایم ای ایس سی) نے اتوار کواسکولی طلباء کو میڈیا اور تفریحی شعبے میں کیریئرکے تعلق سے اسکل ٹریننگ دینے کے لئے سنٹرل بورڈ آف سیکنڈری ایجوکیشن (سی بی ایس ای) کے ساتھ ایک معاہدہ کیاہے۔ CBSE, Media And Entertainment Skills Council To Upskill
معاہدے کے تحت ایم ای ایس سی طلباء کے مستقبل کو مدنظر رکھتے ہوئے مختلف اسکولوں میں صحیح نصاب کو نافذ کرنے کے لئے سی بی ایس سی کی مدد کرے گا اور اسکول کی سطح پر ضروری سہولیات جیسے کمپیوٹر لیب، ساؤنڈ اور پروڈکشن اسٹوڈیو وغیرہ قائم کرنے میں تکنیکی مدد فراہم کرے گا۔ اساتذہ کومیڈیا اورتفریح کے شعبے میں مہارت کے ویبنار اور ورکشاپ کے ذریعے ٹریننگ دی جائے گی۔ طلباء کو ٹریننگ دے کر قومی اور بین الاقوامی سطح پر منعقد ہونے والے 'آرٹ اولمپیاڈ' کے لیے تیار کیا جائے گا۔ اس کے لیے مخصوص ماڈیول ایم ای ایس سی کے ذریعہ تیارکئے جائیں گےاور سی بی ایس سی کے ذریعے اسکولوں میں پیش کئے جائیں گے۔
ایم ای ایس سی کے سی ای او موہت سونی اور ڈاکٹر بسواجیت ساہا، ڈائریکٹر، سی بی ایس ای نے اس معاہدے پر دستخط کیے۔ اس موقع پر مرکزی وزیر برائے تعلیم، ہنرمندی کی ترقی اور انٹرپرینیورشپ دھرمیندر پردھان، وزیر مملکت برائے ہنر مندی کی ترقی راجیو چندر شیکھر، پدم شری ایوارڈ یافتہ فلم ساز اور ایم ای ایس سی کے چیئرمین رمیش سپی، سکریٹری ایم ایس ڈی ای اتل تیواری اور دیگر معززین موجود تھے۔
سپی نے کہا کہ 6ویں سے 12ویں جماعت کے طلباء کے لیے ہم اپنے اکیڈمک اور ماہرین کے ذریعے نصاب، ای-مواد، اسٹوڈنٹ مینوئل، تشخیصی رہنما خطوط، سوالات کا مجموعہ تیار کریں گے، جو نئی تعلیمی پالیسی اور این ایس کیو ایف پر مبنی ہوں گے۔ اس سے طلبہ کو مستقبل میں اپنا کیرئیر بنانے میں آسانی ہوگی۔ ساہا نے کہا کہ سی بی ایس ای اور ایم ای ایس سی کے درمیان دستخط طلباء کو میڈیا اور تفریح کی خواہش مند دنیا کا راستہ دکھائے گا۔ اس سے طلباء کو عملی، ہنر پر مبنی علم حاصل ہوگا، جس سے انہیں اپنے کیریئر میں آگے بڑھنے میں مدد ملے گی۔
مزید پڑھیں:سی بی ایس سی نصاب کم کرنے پر پی پی ایم برہم
یواین آئی۔
