غازی آباد: مغربی اترپردیش کے غازی آباد میں واقع مراد نگر کی کوٹ کالونی کے رہائشی حاجی اعجاز احمد وارڈ نمبر 25 کے کونسلر ہیں۔
اعجاز احمد نے بتایا کہ ان کا بیٹا محمدزید یوکرین میں تعلیم حاصل کر رہا ہے۔ حاجی اعجاز نے بتایا کہ شام سات بجے محمد زید سے فون پر میری بات ہوئی تھی۔ اس دوران زید نے بتایا کہ ہاسٹل میں رہنے والے تمام طلبہ ہاسٹل کے نیچے بنے تہہ خانوں میں رہ رہے ہیں۔ ہاسٹل انتظامیہ نے کھانے پینے کا مکمل انتظام کیا ہے۔
محمد زید نے بتایا کہ ابھی یہ معلوم نہیں کہ وہ اپنے واطن واپس کب لوٹیں گے۔ ہر وقت یہ خوف ہے کہ کب کس جگہ پر حملہ ہو جائے۔ Indian Students in Ukraine
انہوں نے کہا کہ زید سے مجھے یہ بھی معلوم ہوا کہ پورے شہر میں خاموشی سی چھا گئی ہے۔ 26 فروری کا ٹکٹ بک کیا گیا تھا، لیکن فلائٹ کینسل ہونے کی وجہ سے ابھی واپسی مشکل ہے۔
اس کے علاوہ گاندھی کالونی کے رہائشی ڈاکٹر راشد کے بیٹے شہادت بھی یوکرین سے ایم بی بی ایس کی تعلیم حاصل کر رہے ہیں۔ راشد نے بتایا کہ آج شہادت سے ان کی دن میں کئی بار بات ہوئی ہے۔ انہوں نے بتایا کہ ہر طالب علم خوفزدہ ہے کہ پتہ نہیں کب کیا ہوجائے۔
