کرناٹک کے ضلع یادگیر میں ضلع پنچایت کانفرنس ہال میں ریاستی چائلڈ پروٹیکشن کمیشن کے چیئرمین ڈاکٹر انتھونی نے کہا کہ بچوں کو ابتدا سے ہی معیاری تعلیم اور اچھا ماحول دینا نہایت ضروری ہے۔ انہوں نے کہا کہ تعلیم سے محروم بچوں کو پھر سے اسکول کی جانب واپس لانے کی کوشش کی جانی چاہیے
انہوں نے کہا کہ سرکاری اسکولوں میں بنیادی ڈھانچے کی مکمل فراہمی کے ساتھ ساتھ بچوں کی حفاظت بھی ضروری ہے جبکہ اساتذہ کی کمی کے مسئلہ کو بھی جلد از جلد حل کیا جائے۔ انہوں نے کہا کہ صحیح وقت پر صحیح تعلیم فراہم کرنے سے بچے معیاری تعلیم حاصل کر سکیں گے۔ انہوں نے کہا کہ ضلع کو ان بچوں کی مکمل رپورٹ فراہم کرنی چاہیے جو بھیک مانگتے ہیں محکمہ کے عہدیداران کو بچوں کے تحفظ اور ترقی سے متعلق مسائل کو حل کرنا چاہیے اور انہیں مشورہ دینا چاہیے کہ وہ ان کے ساتھ میٹنگ کریں اور حل تلاش کریں۔
مزید پڑھیں:تعلیم کے ساتھ تربیت بھی ضروری: ڈاکٹر عبد المھمین قادری
انہوں نے کہا کہ بچوں کی فروخت، لاپتہ بچے بے سہارا بچے، گلی کے بچے، تاریکین وطن کے بچے، معذور بچے، منشیات کے عادی، تشدد اور زیادتی کا شکار ہونے والے بچوں کے لئے ہیلپ لائن نمبر دیا گیا ہے اس ہیلپ لائن نمبر پر رابطہ کرکے مدد حاصل کی جا سکتی ہے تاکہ پریشانی میں مبتلا بچوں کو دیکھ بھال اور غذائیت کی ضرورت کو پورا کیا جا سکے۔
