افغانستان کے بارے میں دو روزہ دوشانبے سکیورٹی ڈائیلاگ Dushanbe Security Dialogue کا آغاز آج یعنی جمعرات سے ہوگیا۔ بھارت کی نمائندگی قومی سلامتی کے مشیر (این ایس اے) اجیت ڈووال کر رہے ہیں جو اس میٹنگ میں شرکت کے لیے تاجکستان کے لیے روانہ ہوگئے۔ اجلاس کے دیگر شرکاء میں میزبان تاجکستان کے علاوہ روس، چین، ایران، ازبکستان، کرغزستان، ترکمانستان اور قزاقستان شامل ہیں۔India in Dushanbe Security Dialogue
ذرائع کے مطابق پاکستان اس میں حصہ نہیں لے سکتا کیونکہ شہباز شریف کی قیادت میں نئی حکومت کے قیام کے بعد سے قومی سلامتی مشیر کی کوئی تقرری نہیں ہوئی ہے۔اس اجلاس میں افغانستان سرحد پار دہشت گردی، ملک کی انسانی امداد، ایک جامع حکومت کی تشکیل جیسے مسائل ایجنڈے میں سرفہرست ہوں گے۔
قابل ذکر ہے کہ اس طرح کا سکیورٹی ڈائیلاگ اس سے قبل تین مرتبہ ہوچکے ہیں۔ پہلے دو اجلاس تہران میں منعقد ہوئے تھے۔ گزشتہ سال دہلی میں قومی سلامتی کونسل کی میزبانی میں سکیورٹی ڈائیلاگ ہوئی تھی، اس اجلاس میں پاکستان اور چین کی جانب سے کوئی شرکت نہیں ہوئی تھی۔
