ریاست مہاراشٹر میں جن تاریخی و سیاحتی مقامات پر سیاحوں کے داخلے پر پابندی عائد کی گئی ہے، وہ پابندی اگلے ہفتے کی جائزہ میٹنگ کے بعد ختم کردی جائے گی ، اس طرح کی یقین دہانی وزیر سیاحت و ماحولیات آدتیہ ٹھاکرے نے دی۔ انہوں نے اورنگ آباد میں ایک پریس کانفرنس سے خطاب کرتے ہوئے جانکاری دی۔ Historical and Tourist Sites will be opened in Aurangabad
آدتیہ ٹھاکرے نے اورنگ آباد شہر میں کورونا مریضوں کی تعداد میں اضافے پر تشویش کا اظہار کیا لیکن موجودہ صورتحال میں بہتری کی امید بھی ظاہر کی۔
- مزید پڑھیں:۔ سیاحتی مقامات بند ہونے سے تانگے والے بے روزگار
ریاستی وزیر کے مطابق اگلے ہفتے وزیر اعلی کے ساتھ جائزہ میٹنگ میں تاریخی و سیاحتی مقامات کو دوبارہ کھولنے کا فیصلہ کیا جائے گا۔ واضح رہے کہ اورنگ آباد شہر کو ٹوریزم کی راجدھانی کہا جاتا ہے، سیاحتی مقامات بند ہونے کی وجہ سے ہزاروں افراد متاثر ہورہے ہیں۔