حیدرآباد: آئرلینڈ اور جنوبی افریقہ کے درمیان دبئی میں دو ٹی ٹوئنٹی میچوں کی سیریز کھیلی گئی۔ جہاں پہلے میچ میں جنوبی افریقہ نے جیت درج کرنے میں کامیاب رہا تو وہیں دوسرے میچ میں اسے بڑے اپ سیٹ کا سامنا کرنا پڑا ہے۔ کیونکہ آئرلینڈ نے جنوبی افریقہ کو 10 رنز سے شکست دے دی۔ جس کی وجہ سے سیریز ایک ایک سے برابر پر ختم ہوگئی۔
قابل ذکر ہے کہ اس سے قبل افغانستان نے پہلی بار جنوبی افریقہ کو ون ڈے سیریز میں شکست دے کر تاریخ رقم کی تھی۔ افغانستان نے تین ونڈے میچوں کی سیریز کو 2-1 سے اپنے نام کیا تھا۔
واضح رہے کہ یہ پہلا موقع ہے جب آئرلینڈ نے پہلی بار جنوبی افریقہ کو شکست دی ہے۔ دبئی کے شیخ زائد اسٹیڈیم میں کھیلی جارہی سیریز میں افریقہ نے پہلا میچ جیتا تھا لیکن دوسرے میچ میں اسے ہدف کا تعاقب کرتے ہوئے شکست کا منہ دیکھنا پڑا۔
History for Ireland as they claim their first-ever men's T20I victory over South Africa 🙌#IREvSA 📝 https://t.co/53ZqjrKqjt pic.twitter.com/Apc2D8JI4w
— ICC (@ICC) September 29, 2024
پہلے بیٹنگ کرنے آئی آئرش ٹیم نے شاندار کھیل کا مظاہرہ کرتے ہوئے 6 وکٹوں کے نقصان پر 196 رنز بنائے تھے۔ جس کے جواب میں افریقی ٹیم مقررہ 20 اوورز میں 9 وکٹوں کے نقصان پر 185 رنز ہی بنا سکی۔ آئرلینڈ کی جانب سے اوپننگ کرنے والے راس ایڈیئر نے 58 گیندوں پر 5 چوکوں اور 9 چھکوں کی مدد سے 100 رنز کی شاندار اننگز کھیلی۔
اس کے علاوہ کپتان پال اسٹرلنگ نے 31 گیندوں میں 7 چوکوں اور 1 چھکے کی مدد سے 52 رنز بنائے۔ دونوں بلے بازوں نے پہلی وکٹ کے لیے 137 (79 گیندوں) رنز کی شراکت داری کی۔ اس کے ساتھ ہی شاندار اوپننگ پارٹنرشپ کی بدولت آئرلینڈ نے 20 اوورز میں 6 وکٹیں گنوا کر 196 رنز بنانے میں کامیاب رہا۔
افریقہ کی جانب سے ریزا ہینریکس اور برٹزکے نے 51-51 رنز کی اننگز کھیلی۔ ریزا نے 32 گیندوں میں 6 چوکوں اور ایک چھکے کی مدد سے 51 رنز بنائے جبکہ برٹزکے نے 41 گیندوں پر 3 چوکے اور 2 چھکے لگائے۔ آئرش بولرز کی جانب سے مارک ایڈیئر نے سب سے زیادہ 4 وکٹیں حاصل کیں۔
