عوام نے ضلع ترقیاتی کمشنر رامبن کے آنے سے امید ظاہر کی کہ ضلع رامبن کی ایمرجنسی صورتحال کو مد نظر رکھتے ہوئے اسپتال اسٹاف کی تقرری کیلئے اقدامات کئے جائیں گے۔ عوام نے نو منتخب میڈیکل سپرنٹنڈنٹ کی کارکردگی کو تسلی بخش قرار دیتے ہوئے اسپتال کو عوام کی خدمات کیلئے مزید فعال بنانے کی امید کا اظہار کیا۔
رامبن ضلع اسپتال کی موجودہ صورتحال کو مزید مستحکم بنانے اور انفراسٹرکچر کی کمی کو دور کرنے کے عزم کا اظہار کرتے ہوئے میڈیکل سپرنٹنڈنٹ ڈاکٹر عبد الحمید زرگر نے کہا کہ رامبن اسپتال انتظامیہ کا چارج سنبھالنے کے بعد انہوں نے امراض نسواں کے سیکشن اور ایمرجنسی وارڈ کو انفراسٹرکچر اور جدید مشینری سے لیس کیا۔ او پی ڈی ٹسٹ سہولت سمیت ہر شعبے کو فعال بنا کر عوام کی خدمت کیلئے اسپتال انتظامیہ اور اسٹاف ہر وقت حاضر ہے۔
عوام کیلئے بہتر طبی سہولت کی فراہمی حکومت کے اولین فرائض میں شامل ہے اسپتالوں میں اسٹاف کی قلت کو پورا کرنے اور انفراسٹرکچر کو مزید بہتر بنانے کیلئے عوام کی بھی ذمہ داری ہے کہ وہ اپنے بنیادی حق کیلئے آواز بلند کرے تاکہ حکومت عوام کیلئے بہتر طبی سہولت فراہم کرنے والے وعدے کو پورا کرے۔
