گوہاٹی: شیو شینا کے باغی رہنما ایکناتھ شندے اور دیگر اراکین اسمبلی نے آج گوہاٹی کے کامکھیا دیوی مندر میں پوجا کی۔ ایکناتھ شندے نے کامکھیا مندر میں پوجا کرنے کے بعد کہا کہ وہ یہاں مہاراشٹر کے امن اور خوشحالی کی دعا کرنے آئے ہیں۔ انہوں نے کہا کہ وہ فلور ٹیسٹ کے لیے کل ممبئی جائیں گے اور تمام طریقہ کار پر عمل کریں گے۔
ایکناتھ شندے سمیت چار باغی اراکین اسمبلی بدھ کی صبح 7:45 بجے ہوٹل ریڈیسن بلو سے کامکھیا کے لیے روانہ ہوئے تھے۔ وہ کامکھیا سے براہ راست بورجھر ہوائی اڈے کا سفر کریں گے۔ بتایا جا رہا ہے کہ باغی اراکین اسمبلی دو حصوں میں روآنہ ہوں گے۔ یہاں ممبئی میں بی جے پی رہنما دیویندر فڈنویس نے مہاراشٹر میں سیاسی بحران کے حوالے سے گورنر بھگت سنگھ کوشیاری سے ملاقات کی۔ دیویندر فڈنویس نے گورنر سے فلور ٹیسٹ کرانے کا مطالبہ کیا ہے۔ Four rebel mlas including eknath shinde reach kamakhya
دوسری جانب ذرائع کا کہنا ہے کہ آٹھ آزاد ایم ایل اے نے مہاراشٹر کے گورنر کے رجسٹرڈ ای میل ایڈریس پر ای میل بھیج کر فوری فلور ٹیسٹ کا مطالبہ کیا ہے۔ اس سے قبل دیویندر فڈنویس نے دہلی میں پارٹی کے قومی صدر جے پی نڈا سے ملاقات کی تھی تاکہ مہاراشٹر کی سیاسی صورتحال کے بارے میں معلومات فراہم کی جا سکیں اور ہائی کمان سے مستقبل کی حکمت عملی پر ہدایات لیں۔
مزید پڑھیں:۔ Fadnavis Meets Governor in Mumbai: دیویندر فڑنویس کی گورنر سے ملاقات، فلور ٹیسٹ کا مطالبہ
