آل انڈیا مسلم پرسنل لا بورڈ کی ورکنگ کمیٹی کے رکن مولانا خلیل الرحمان سجاد نعمانی نے گزشتہ روز ریاست اترپردیش اسمبلی انتخابات میں ووٹوں کی تقسیم کم سے کم ہونے کے لیے ایم آئی ایم کے صدر اویسی کو خط لکھ کہ کہا ہے کہ 'آپ صرف ان سیٹوں پر بھرپور طاقت صرف کریں جہاں کامیابی یقینی ہو اور بقیہ سیٹوں پر آپ خود گٹھ بندھن کے لیے اپیل کریں'۔ Sajjad Nomani Letter to Owaisi
مولانا خلیل الرحمان سجاد نعمانی کے اس خط کے بعد آل انڈیا مسلم پرسنل لاء بورڈ کے جنرل سکریٹری حضرت مولانا خالد سیف اللہ رحمانی نے وضاحتی بیان جاری کرتے ہوئے کہا کہ 'بورڈ کی جانب سے فی الحال کسی شخص کو بورڈ کا ترجمان مقرر نہیں کیا گیا ہے، اس لیے بورڈ کے کسی بھی رکن کا کوئی بیان آئے تو اس کو اس کا شخصی بیان تصور کیا جائے، بورڈ کی طرف سے اس کو منسوب نہ کیا جائے۔ بورڈ کے دفتر سے جنرل سکریٹری کی طرف سے جو بیان جاری ہو، اسی کو ہی بورڈ کا بیان تصور کیا جائے'۔Muslim Personal Board statement over sajjad Nomani's Letter
مزید پڑھیں: Sajjad Nomani Letter to Owaisi: ووٹوں کی تقسیم کو کم سے کم کرنے کے لیے مولانا سجاد نعمانی کا اویسی کے نام خط
مانا جارہا ہے کہ مولانا خلیل الرحمان سجاد نعمانی کے اویسی کو لکھے گئے خط کو مدنظر رکھتے ہوئے مسلم پرسنل لاء بورڈ نے یہ بیان جاری کیا ہے۔
اس بیان میں مولانا خالد سیف اللہ رحمانی نے مزید کہا ہے کہ 'اس بات کو بھی ضرور پیش نظر رکھا جائے کہ بورڈ نہ سیاست میں حصہ لیتا ہے اور نہ الیکشن کے بارے میں یا کسی سیاسی جماعت و امیدوار کی تائید یا مخالفت میں کوئی بیان دیتا ہے۔
مولانا رحمانی نے میڈیا سے اپیل کی ہے کہ 'وہ اس بات کو دھیان میں رکھیں اور بلا تحقیق کسی بیان کو بورڈ سے منسوب کرنے سے احتیاط کریں'۔ انہوں نے کہا کہ مسلم پرسنل لاء بورڈ مسلمانوں کی ایک مذہبی تنظیم ہے اور حسب ضرورت مسلم پرسنل لاء کے دائرہ میں آنے والے مسائل ہی پر بہ وقت ضرورت اظہار خیال کرتا ہے۔ اسی طرح ملک سے باہر پیش آنے والے مسائل و واقعات بھی بورڈ کا موضوع نہیں ہیں'۔