کولگام : جموں و کشمیر کے کولگام میں عکسریت پسندوں اور سیکوریٹی فورسس کے درمیان تصادم کی اطلاع ہے۔ تفصیلات کے مطابق آج صبح جنوبی کشمیر کے اڈیگام گاؤں میں سیکوریٹی فورسس اور عسکریت پسندوں کے درمیان شروع ہوا انکاونٹر جاری ہے۔ حکام نے ہفتہ کو بتایا کہ جنوبی کشمیر کے کولگام ضلع کے اڈیگام گاؤں میں جاری تصادم میں تین فوجی جوان اور ایک پولیس اہلکار زخمی ہو گئے۔ انہوں نے بتایا کہ فائرنگ کے دوران تین فوجی اور اے ایس پی کولگام زخمی ہوئے تاہم سبھی زخمیوں کی حالت مستحکم ہے۔ انہوں نے کہا کہ آپریشن جاری ہے۔
قبل ازیں ایک اہلکار نے بتایا کہ سیکورٹی فورسز کی ایک مشترکہ ٹیم نے علاقے میں عسکریت پسندوں کی موجودگی سے متعلق مخصوص اطلاع ملنے کے بعد علاقہ کا محاصرہ کرکے تلاشی آپریشن شروع کردیا۔ انہوں نے کہا کہ جیسے ہی مشترکہ ٹیمیں مشتبہ مقام کی طرف پہنچیں تو چھپے ہوئے عسکریت پسندوں نے ان پر فائرنگ کردی، جس کے بعد جوابی کارروائی کی گئی اور انکاؤنٹر شروع ہو گیا۔
#Encounter has started at Adigam Devsar area of #Kulgam. Police and security forces are on the job. Further details shall follow.@JmuKmrPolice
— Kashmir Zone Police (@KashmirPolice) September 28, 2024
یہ بھی پڑھیں: جموں و کشمیر کے راجوری میں انکاونٹر شروع - Encounter breaks out in Rajouri
آخری اطلاع ملنے تک انکاونٹر جاری ہے جبکہ بتایا جارہا ہے کہ دو تا تین عسکریت پسندوں کے علاقہ میں چھپے ہونے کا شبہ ہے۔
