نیوزی لینڈ کے خلاف آئندہ 17 نومبر سے شروع ہونے والی ٹی 20 سیریز کے لیے بھارتی ٹیم کا اعلان منگل کے روز کیا گیا۔ روہت شرما کی کپتانی والی اس 16 رکنی ٹیم میں آئی پی ایل 2021 کے اسٹار کھلاڑیوں کی جگہ دی گئی ہے۔ رتوراج گائیکواڑ، وینکٹیش ایئر، ہرشل پٹیل اور اویس خان کو 16رکنی ٹیم میں شامل کیا گیا ہے۔
چیتن شرما کی زیرقیادت قومی سلیکشن کمیٹی نے نیوزی لینڈ کے خلاف آئندہ گھریلو ٹی۔20 سیریز کے لیے روہت شرما کو کپتان اور لوکیش راہل کو نائب کپتان منتخب کیا ہے۔
اویس خان کے سلیکشن کی خبر سے ان کے ان کنبے میں خوشی کی لہر دوڑ گئی اور مبارک پیش کا سلسلہ جاری ہے۔ اندور کے شری نگر ایکسٹینشن میں رہنے والے اویس خان کبھی گلیوں میں پلاسٹک کی بال سے کرکٹ کھیلا کرتے تھے، اب انٹرنیشنل میچ میں کھیلتے نظر آئیں گے۔ اویس کی محنت اور جنون نے انہیں یہ مقام دلایا۔
واضح رہے کہ ٹی 20 سیریز میں ہاردک پانڈیا کو جو ٹی 20 ورلڈ کپ 2021 کے دوران زخمی ہوگئے مذکورہ سیریز میں جگہ نہیں ملی ہے۔ بھارت کے سابق کپتان وراٹ کوہلی نے سیریز سے آرام مانگا تھا اور سلیکٹرز نے ان کا مطالبہ مان لیا ہے۔ وراٹ کے علاوہ تیز گیند باز جسپریت بمراہ اور محمد سمیع اور آل راؤنڈر رویندر جڈیجہ کو بھی آرام دیا گیا ہے۔
مزید پڑھیں:
