جنسی زیادتی اور قتل کیس میں روہتک کی سناریا جیل میں سزا کاٹ رہے ڈیرہ سچا سودہ کے سربراہ گرمیت رام رحیم سمیت پانچ قصورواروں کو آج رنجیت سنگھ قتل کیس میں عمر قید کی سزا سنائی گئی ہے۔ رام رحیم اور دیگر چار مجرموں کو اس معاملے میں پنچکولہ کی خصوصی سی بی آئی عدالت میں پیش کیا گیا تھا۔
رام رحیم کو روہتک کی سناریا جیل سے ویڈیو کانفرنسنگ کے ذریعے پیش کیا گیا۔ جب کہ باقی چار قصورواروں کو پنچکولہ کی خصوصی سی بی آئی عدالت میں لایا گیا۔ سماعت کے دوران ان چاروں قصورواروں کو عدالت میں رکھا گیا اور سماعت ان کے سامنے کی گئی۔ اس سے قبل پانچ مجرموں کو رنجیت قتل کیس میں قصوار قرار دیا جاچکا تھا۔ ان کی سزا کا اعلان 12 اکتوبر کو ہونا تھا، لیکن کچھ وجوہات کی وجہ سے 12 کو سماعت ملتوی کردی گئی۔ جب کہ آج تمام مجرموں کو عمر قید کی سزا سنائی گئی۔
