سماجوادی پارٹی کے قومی صدر اکھلیش یادو کی اپیل کے بعد صوبہ کے تمام اضلاع میں سائکیل ریلی نکالی گئی تھی۔ اس سلسلہ میں بریلی میں بھی سائیکل ریلی نکالی گئی۔
جس میں ہزاروں کارکنان نے شرکت کی اور شہر کے مختلف راستوں پر سائیکل چلاکر لوگوں سے پارٹی کی پالیسیوں اور نظریات کے ساتھ آنے کی اپیل کی۔
ریلی کا آغاز پارٹی کے دفتر سے ہوا جہاں ریاستی صدر نریش اُتّم پٹیل نے تمام عہدے داران اور کارکنان کو ہری جھنڈی دکھاکر روانہ کیا۔
یہ ریلی پارٹی دفتر سے شروع ہوکر ایوب خاں چوراہا نولٹی چوراہا کمار ٹاکیز کُتُب خانہ، کوحاڑا پیر سمیت شہر کے پاش اور درمیان علاقوں میں پہنچی اور لوگوں کو بی جے پی کی عوام مخالف پالیسیوں کے تئین بیدار کرنے کی کوشش کی۔
مزیدپڑھیں:بی جے پی حکومت کے خلاف سماجوادی پارٹی کا احتجاجی مظاہرہ
یہاں پارٹی کے ضلع صدر اگم موریہ، پارٹی کے شہر صدر شمیم خان سلطانی اور دیگر عہدے داران نے سائکل ریلی میں جوش خروش کے ساتھ شرکت کی۔
