سابق مرکزی وزیر اور کانگریس کے سینئر رہنماء پی چدمبرم نے پارٹی کی قیادت کے خلاف سینئر رہنماوں کے پارٹی کے سرکاری پلیٹ فارم کے باہر نعرے بازی پر ناراضگی کا اظہار کرتے ہوئے کہا کہ کانگریس کے کارکنان نے اپنے سینئر ساتھی کے گھر پر جس طرح ہنگامہ کرکے نعرے بازی کی ہے اس سے بہت غمزدہ ہوں۔
پی چدمبرم نے کسی ساتھی کا نام لئے بغیر کہا کہ جب ہم پارٹی کے پلیٹ فارم کے اندر مثبت بات چیت شروع نہیں کرپاتے تو میں خود کو مجبور محسوس کرتا ہوں۔ جب میں اپنے ایک ساتھی اور پارٹی کے رکن پارلیمان کے گھر کے باہر کانگریس کارکنان کی نعرے بازی والی تصاویر دیکھتا ہوں تو میں خودک و بہت دکھی اور مجبور محسوس کرتا ہوں۔ بندر گاہ تک کشتی کی بحفاظت واپسی کے لئے خاموشی سب سے اچھی۔
مزید پڑھیں:۔ کپل سبل کی دبے الفاظ میں کانگریس قیادت پر تنقید
خیال رہے کہ کانگریس قیادت پر سوال اٹھانے والے سینئر رہنماء کپل سبل نے پریس کانفرنس کے بعد بدھ کو کہا کہ وہ 'جی حضوری' پر اعتماد نہیں کرتے اور کانگریس قیادت سے پارٹی کے مفاد میں سوال پوچھتے رہیں گے تو اس کے بعد کانگریس کے کارکنان نے رات کو کپل سبل کی رہائش گاہ کے باہر ہنگامہ کیا اور ان کے خلاف نعرے بازی کی۔
(یو این آئی)
