کانگریس کے سابق صدر راہل گاندھی نے کورونا وبا کی تیسری لہر پر قابو پانے کے لیے کیے جانے والے اقدامات کے سلسلہ میں حکومت سے سوالات پوچھے اور کہا کہ اسے بتانا چاہیے کہ ڈیلٹا پلس ویرئینٹ پر کورونا ٹیکہ کتنا موثر ہے۔
راہل گاندھی نے ٹویٹ کیا 'ڈیلٹا پلس ویرئینٹ پر مودی سرکار سے سوال، اس کی جانچ اور روک تھام کے لیے بڑے پیمانے پر ٹیسٹنگ کیوں نہیں ہو رہی ہے۔ ویکسین اس پر کتنی موثر ہے اور وہ مکمل معلومات کب دستیاب ہوں گی۔ تیسری لہر میں اس پر قابو پانے کا کیا منصوبہ ہے'۔
یہ بھی پڑھیے:
کانگریس نے ایمرجنسی نافذ کر کے جمہوریت کو کچل دیا تھا: مودی
کانگریس کے مواصلاتی شعبے کے سربراہ رندیپ سنگھ سرجے والا نے رام مندر کے چندے میں گھپلے کا الزام لگاتے ہوئے کہا 'اب تو سچ کیمرے پر سامنے ہے۔ اڑھائی کروڑ میں شری رام مندر ٹرسٹ کو فروخت کی گئی زمین اصل میں سرکاری ہے۔ تو پھر عقیدت مندوں کے عطیہ کے مجرمانہ غلط استعمال پر کیا وزیر اعظم آج کارروائی کا اعلان کریں گے'۔
