دہلی: کمرشل ایل پی جی سلنڈر کی قیمت میں آج سے فوری طور پر 135 روپے کی کمی کی گئی ہے۔ تازہ ترین کمی کے ساتھ دہلی میں 19 کلو کے کمرشل ایل پی جی سلنڈر کی قیمت اب 2219 روپے ہوگی۔ قیمتوں میں کمی سے پہلے کولکتہ میں کمرشل ایل پی جی سلنڈر کی قیمت 2454 روپے، ممبئی میں 2306 روپے، اور چنئی میں 2507 روپے تھی۔ کمی کے بعد کولکتہ میں کمرشل ایل پی جی سلنڈر کی قیمت اب 2322 روپے، ممبئی میں 2171.50 روپے اور چنئی میں 2373 روپے ہے۔ Commercial LPG cylinder price cut by Rs 135 from June 1
مزید پڑھیں:۔ LPG Price Hike: ایل پی جی سلنڈر کی قیمت میں 250 روپے کا اضافہ
قیمت میں یہ کمی صرف تجارتی سلنڈروں کے لیے درست ہے، گھریلو ایل پی جی سلنڈروں کے لیے نہیں۔اس سے قبل مئی کے پہلے ہفتے میں ایل پی جی سلنڈر کی قیمت میں 50 روپے کا اضافہ کیا گیا تھا۔یکم مئی کو 19 کلوگرام کمرشل ایل پی جی سلنڈر کی قیمت 102.50 روپے بڑھ کر 2355.50 روپے ہو گئی۔ پچھلے مہینے یکم مئی کو تیل کی مارکیٹنگ کمپنیوں نے اجوالا دیوس کے موقع پر 5000 سے زیادہ ایل پی جی پنچایتوں کا اہتمام کیا، جہاں ایل پی جی کے محفوظ اور پائیدار استعمال کا مقصد تجربہ کے اشتراک کے علاوہ صارفین کے اندراج کو زیادہ سے زیادہ کرنے کے لیے ہر ممکن کوششیں کی گئیں۔
