Mushaira jashn-e- Jamhuriat: کورونا کے سبب مشاعرہ جشن جمہوریت آن لائن منعقد

معروف شاعر پاپولر میرٹھی نے بتایا کہ وہ سنہ 1991 سے مسلسل جشن جمہوریت کے مشاعرے میں شامل ہوتے آ رہے ہیں۔ پہلے یہ لال قلعہ کے پہلو میں ہوا کرتا تھا تاہم کورونا وائرس کے سبب گذشتہ 2 برسوں سے جشن جمہوریت کا یہ قدیمی مشاعرہ آن لائن ہی منعقد کیا جا رہا ہے۔MUSHAIRA JASHN-E-JAMHURIYAT

ملک کی آزادی کے 75 ویں سالگرہ کے موقع پر جشن کے سلسلے میں اردو اکیڈمی دہلی کے زیر اہتمام مشاعرہ جشن جمہوریت کا انعقاد کیا گیا اس موقع پر اردو اکادمی دہلی کے وائس چیئرمین تاج محمد نے خطاب کرتے ہوئے کہا کہ مشاعرہ جشن جمہوریت کی روایت کافی قدیم ہے۔ کورونا کی وجہ سے گزشتہ دو برسوں سے اکادمی کے زیادہ تر پروگرام تعطل کا شکار ہیں۔ لیکن اس معاشرے کو اس کی تاریخی اہمیت اور حکومت کی گائیڈ لائن کے پیش نظر مشاعرے کا اہتمام آن لائن کیا گیا ہے۔ Mushaira jashn-e- Jamhuriat

انہوں نے مشاعرے سے قبل خطاب کرتے ہوئے کہا کہ ملک کی آزادی اور اردو کا چولی دامن کا ساتھ ہے۔ آزادی کے لئے اردو کے شعراء نے سینکڑوں اشعار و نظمیں لکھی ہیں۔ آزادی کے زیادہ تر متوالے اردو بولتے اور لکھتے تھے اردو شاعری مجاہدین آزادی کے لہو کو گرم کرنے کا ذریعہ تھی۔

اس موقع پر اردو اکیڈمی کے وائس چیئرمین اور سکریٹری نے شعراء کو گلدستہ پیش کرکے مشاعرے میں ان کا استقبال کیا کیا۔ بعدازاں اسٹیج پر موجود تمام عہدیداران اور شعرا نے شمع مشاعرہ روشن کرکے باضابطہ آغاز کیا۔

ای ٹی وی بھارت سے بات کرتے ہوئے معروف شاعر پاپولر میرٹھی نے بتایا کہ وہ سنہ 1991 سے مسلسل جشن جمہوریت کے مشاعرے میں شامل ہوتے آ رہے ہیں پہلے یہ لال قلعہ کے پہلو میں ہوا کرتا تھا تاہم کرونا وائرس کے سبب اب گذشتہ 2 برس سے جشن جمہوریت کا یہ قدیمی مشاعرہ آن لائن ہی منعقد کیا جا رہا ہے۔

وہیں شاعر امیر امروہوی نے کہا کہ ایسے حالات میں اور اتنی کم مدت کے دوران مشاعرہ منعقد کرنا قابل تعریف ہے۔

اس مشاعرے میں طاہر فراز، تابش مہدی، امیر امروہوی، سیماب سلطانپوری، ڈاکٹر اعجاز پاپولر میرٹھی، وارث وارثی، راشدہ باقی حیا اور آلوک یادو نے اپنے اشعار پیش کیے۔ جبکہ نظامت کے فرائض شکیل جمالی نے ادا کیے۔