ایودھیا فیصلے کے پیش نظر مرکز کی جانب سے جسٹس ایس عبدالنذیر اور ان کے اہل خانہ کو زیڈ زمرے کی سیکورٹی مہیا کرائی گئی ہے۔
جسٹس عبدالنذیر ایودھیا زمین تنازعہ پر تاریخی فیصلہ دینے والی سپریم کورٹ کی پانچ رکنی آئینی بنچ میں شامل ججوں میں سے ایک ہیں۔
وزارت داخلہ نے ریاستی حکومت اور مرکزی ریزرو پولس فورس کو جسٹس نذیر اور ان کے اہل خانہ کو زیڈ زمرے کی سیکورٹی مہیا کرانے کے احکامات دیے ہیں۔
جسٹس عبدالنذیر کرناٹک میں منگلور کے مڈپیرڈی کے نزدیک بیلوئی کے رہنے والے ہیں۔ وہ اپنے آبائی گاؤں اور ملک میں کہیں بھی جانے کے دوران زیڈ سیکورٹی کے گھیرے میں رہیں گے۔
