اِسٹارٹ اَپس انڈیا پہل قدمی کے تحت منظور شدہ اسٹارٹ اَپس اداروں کو آئی ٹی ایکٹ کی مختلف دفعات کے تحت رعایت فراہم کی گئی ہے۔
کاروبار کی دنیا میں کئی طرح سے کاروبار کیے جاتے ہیں۔ ان میں اپنا کاروبار، شراکتی فرم، شیرز میں حصہ داری، سرمایہ کاری اور بیرونی ممالک سے کاروباری معاملات وغیرہ شامل ہے۔
جدید دور میں ان تمام روایتی کاروبار سے ہٹ کر کئی پیش رفت کی گئی ہیں۔ کاروباری سرگرمیوں میں جدت، سہل پسندی اور مناسب خدمات کے ساتھ بھرپور منافع کو ترجیح دی جارہی ہے۔
'اسٹارٹ اپ' رواں صدی کا کامیاب ترین کاروباری نظریہ ہے۔ کاروبار کا بنیادی مقصد تو اشیا و خدمات کی فراہمی اور منافع کی حصولی ہے؛ لیکن اس کے لیے 'اسٹارٹ اپ' میں نئے نظریات اور اس پر موثر عمل آواری پر بہت زور دیا جاتا ہے۔
تجارت و صنعت کے وزیر پیوش گوئل نے لوک سبھا میں ایک تحریری جواب میں بتایا ہے کہ اِسٹارٹ اَپس انڈیا پہل قدمی کے تحت منظور شدہ اسٹارٹ اَپس اداروں کو آئی ٹی ایکٹ کی مختلف دفعات کے تحت رعایت فراہم کی گئی ہے ۔
'اسٹارٹ اپ' سے وابستہ کاروبار کو فروغ دینے کے لیے ماہ جون 2016 میں صنعت اور داخلی تجارت کے فروغ کے محکمے ( ڈی پی آئی آئی ٹی ) نے بھارتی اسٹارٹ اَپس ایکو سسٹم کے تحت 10,000 کروڑ روپئے کا فنڈ فراہم کیا تھا تاکہ یہ اسٹارٹ اَپز گھریلو پونجی تک رسائی حاصل کر سکیں۔
اس فنڈ کے قیام کا مقصد اختراع اور جدیدیت پر مبنی صنعت کاری کو فروغ دینا اور نئے کاروباری مواقع پیدا کرنا ہے۔
حکومت ہند کی جانب سے اسٹارٹ اپ کے فروغ کے لیے 15 اگست 2015 کو 'اسٹارٹ اپ انڈیا' کا اعلان کیا گیا تھا۔
بھارت میں سرفہرست اسٹارٹ اپز کاروبار:
| سلسلہ نمبر | اسٹارٹ اپز کے نام | جملہ سرمایہ | قیام | مرکزی دفتر |
| 1 | Wow! Momo | $470 ملین | 2008 | کلکتہ، مغربی بنگال |
| 2 | Ola Cabs | $3.8 بلین | 2010 | کورمنگلہ، کرناٹک |
| 3 | AddressHealth | $1.5 ملین | 2010 | بنگلور، کرناٹک |
| 4 | Zomato | $755.6 ملین | 2008 | گڑگاوں، ہریانہ |
| 5 | Paytm | $2.2 بلین | 2010 | نوئیڈا، اترپردیش |
| 6 | FreshToHome | $24.2 | 2014 | بنگلور، کرناٹک |
| 7 | FreshMenu | $24.2 ملین | 2014 | بنگلور، کرناٹک |
| 8 | Flyrobe | $10.7 | 2015 | ممبئی، مہاراشٹر |
| 9 | Myra | $7 ملین | 2015 | گروگرام، ہریانہ |
| 10 | Cure.Fit | $174.6 ملین | 2016 | بنگلور، کرناٹک |
| 11 | Dunzo | $29.6 ملین | 2016 | حیدرآباد سمیت 6 مراکز |
| 12 | Shuttl | $48.8 ملین | 2015 | گڑگاوں، ہریانہ |
| 13 | Dailyhunt | عدم دستیاب | 2009 | بنگلور، کرناٹک |
| 14 | Meesho | $65.2 ملین | 2015 | بنگلور، کرناٹک |
| 15 | Bombay Shaving Company | $3.2 ملین | 2015 | نئی دہلی |
| 16 | Revv | $23.3 ملین | 2015 | گڑگاوں، ہریانہ |
| 17 | Sharechat | $122.8 | 2015 | گڑگاوں، ہریانہ |
| 18 | POPxo | 12.4 ملین | 2013 | نئی دہلی |
| 19 | Zestmoney | $41.9 ملین | 2015 | بنگلور، کرناٹک |
| 20 | TravelTriangle | $34.9 ملین | 2011 | ممبئی، مہاراشٹر |
مزید پڑھیں : خاتون صنعت کاروں کے سامنے درپیش چیلنجز
آج کی دنیا میں پیسہ کمانے کے لامتناہی مواقع موجود ہیں۔ اسٹارٹپز میں بھارت میں کامیابی کے مواقع زیادہ ہیں، لیکن ایسا کیوں ہے؟ تعلیم اس کی ایک وجہ معلوم ہوتی ہے۔
اکثر کہا جاتا ہے کہ اسٹارٹ اپ شروع کرنے کے لیے ' آئیڈیاز' ضروری ہے۔ اس کے ساتھ ساتھ منصوبہ بندی کے ساتھ وقت رہتے ہوئے اس پر عمل آواری بھی اس سے بھی زیادہ ضروری ہے۔
