وزارت دفاع کے ترجمان انوراگ شری واستو نے معمول کی بریفنگ میں کہا ہے کہ 16 مئی کو شروع ہوئے وندے بھارت کا دوسرا مرحلہ 13 جون تک چلے گا اور اس دوران 47 ممالک سے 162 پروازوں کے ذریعہ سے ہندوستانیوں کو واپس لایا جائے گا۔
دوسرے مرحلے میں استنبول، ہوچی منہ سٹی، لاگوس وغیرہ شہروں کو شامل کیا گیا ہے۔ امریکہ اوریورپ کے لئے پروازوں میں اضافہ کیا گیا ہے۔ ہم یورپ میں فرنکفرٹ کو ایک ہب کے طور پر استعمال کرنے پر غور کررہے ہیں۔
شری واستو نے بتایا کہ ہم ریموٹ علاقوں جیسے ارجنٹینا، جنوبی افریقہ، پیرو، منگولیا وغیرہ سے بھی لوگوں کو لارہےہیں۔ آج علی الصبح بیونس آئرس سے ایک پرواز میں 62 ہندوستان پہنچے ہیں۔ 17 مئی کوایران سے 300 زائرین لداخ پہنچے ہیں۔ جیوبوتی اور ہانگ کانگ سے بھی ہمارے شہریوں کو لایا گیا ہے۔
انہوں نے کہا کہ سات مئی سے شروع ہوئے وندے بھارت مشن کو 15 دن ہوچکے ہیں اورجمعرات دوپہر تک 23 ہزار 475 ہندوستانی شہری اپنے ملک لوٹ چکے ہیں۔ ان میں 4883 مزدور، 4196 طالب علم، 3087 پیشہ ور لوگ شامل ہیں۔
