عام انتخاب 2019 میں بالی وڈ کے ستارے بھی اس بار پیچھے نہیں ہیں۔ خبر ہے کہ اداکارہ ارملا ماتونڈکر کانگریس کے ٹکٹ سے شمالی ممبئی سے الیکشن لڑسکتی ہیں۔
ارملا ماتونڈکر کے نام پر پارٹی قیادت کافی آگے بڑھ چکا ہے اور جلد ہی اس بارے میں آخری فیصلہ کا اعلان کر دیا جائے گا۔
تاہم کانگریس نے ابھی تک اس کی تصدیق نہیں کی ہے۔
اگر ارملا ماتونڈکر کو امیدوار بنایا جاتا ہے تو ان کا مقابلہ بی جے پی کے موجودہ رکن پارلیمان گوپال شیٹی سے ہوگا۔
شمالی ممبئی کے پارلیمان الیکشن سیٹ سے بالی وڈ اداکار گووندہ نے سنہ 2004 میں رام نائک کو ہرایا تھا۔ رام نائک اتر پردیش کے گورنر ہیں۔رام نائک کو سنہ 2009 میں سنجئے نروپم نے ہرایا تھا۔
حالانکہ 2014 میں بی جے پی کے گوپال شیٹی نے سنجےنروپم کو ہرایا تھا۔
ایسے میں کانگریس کو بی جے پی کے خلاف ایک بااثر امیدوار کی ضرورت ہے اور اس کے لیے اداکارہ ارملا کانام سامنے آرہاہے۔
ارملا ماتونڈکر نے مراٹھی فلم 'جاکول 1988' سے سات سال کی عمر مین اپنے کیریئر کی شروعات کی تھی اور نوے کی دہائی میں ان شمار بالی وڈ کی اہم اداکارہ میں ہوتا تھا۔
