پہلی لاش گنیش پوری علاقے میں ایک خاتون کی برآمد ہوئی ہے جس کا جنسی زیادتی کے بعد قتل کردیا گیا۔
پولیس ذرائع کے مطابق پریتی دلیپ بھور نامی 29 برس کی خاتون گنیش پوری پولیس تھانہ کی حدود میں واقع مہالونگے گٹھان پاڑا علاقے میں گزشتہ شب اپنا کام ختم کر گھر لوٹ رہی تھی اسی درمیان اس کا جنسی زیادتی کے بعد قتل کردیا گیا۔ پولیس نے اس سلسلہ میں مقدمہ درج کرلیا اور تحقیقات میں مصروف ہے۔ تاحال ملزمین کے بارے میں کچھ پتہ نہیں چل سکا ہے۔
دوسری واردات بھیونڈی کے مضافات میں واقع پڑگھا علاقے میں واقع کروند گاؤں کی ہے جہاں آہنی پائپ سے ایک شخص کی لاش لٹکی ہوئی پائی گئی۔
اس شخص کی شناخت ساگر پٹھارے 28 برس کے طور پر ہوئی اہل خانہ کا الزام ہے اسکا قتل کیا گیا ہے اور واقعہ کو خودکشی کی شکل دینے کی کوشش کی گئی ہے۔ پولیس نے لاش کو پوسٹ مارٹم کے لیے جے جے ہسپتال بھیج دیا ہے۔ پولیس اس کیس کے قتل اور خود کشی دونوں زاویوں سے تحقیقات کررہی ہے۔
