راجیشوری (عمر 65)، وجئے لکشمی (عمر 60)، پربھاوتی (عمر57) کا تعلق چنئی کے ستیاوانی موتھو نگر ہاؤسنگ بورڈ سے ہے۔ وہ اپنے علاقے میں پلاسٹک کا کچرا جمع کر کے گزر بسر کرتی ہیں۔ گزشتہ دو روز قبل ان میں ایک خاتون پربھاوتی کا سنسنی خیز انداز سے قتل کیا گیا۔
پربھاوتی گزشتہ ماہ فٹ پاتھ پر مردہ پائی گئی تھیں جس کے بعد ان کی پڑوسی راجیشوری اور پولیس کی مدد سے سکریٹریٹ کالونی انسپکٹر نے ان کی لاش کو دفن کر دیا۔
وہ اپنی دو بہنیں راجیشوری اور وجئے لکشمی کے ساتھ سڑک کے کنارے رہتی تھیں۔ پولیس سے بات کرتے وقت راجیشوری نے اظہار خیال کیا کہ ان کے پاس مستقل اور پکا مکان نہ ہونے کی وجہ سے رہنے کی جگہ نہیں ہے۔ اسی لیے وہ سڑک کے کنارے زندگی گزارنے پر مجبور ہیں۔
سڑک کے کنارے بنے عارضی گھر کے اندر الگ الگ جگہ سکوں سے بھرے تھیلے رکھے ہوئے تھے۔ پولیس گھر میں ہر جگہ بکھرے ہوئے پیسے کو دیکھ کر حیرت زدہ ہوگئی۔
پولیس نے بتایا کہ 'پلاسٹک کے برتنوں اور تھیلوں میں بھی سکے تھے۔ گھر میں تقریباً دو لاکھ روپے سے زیادہ نقد رقم تھی جن میں 500 اور 1000 کے نوٹ بھی شامل ہیں جو 40000 کے قریب تھے۔ گھر میں سات پاؤنڈ سونے کے زیورات بھی ملے'۔
قریبی لوگوں کو یہ جان کر حیرت ہوئی کہ ان بوڑھی عورتوں کے پاس بہت زیادہ رقم درآمد ہوئی ہے لیکن وہ اسے خرچ کرنے سے کتراتی تھیں۔
پولیس اس سلسلے میں مزید تحقیقات میں مصروف ہے۔
