اس بچے کا نام تولیندر ورما ہے، جسے بعد میں سوامی آتمانند کے نام سے شہرت حاصل ہوئی۔
ریاست چھتیس گڑھ کے رائے پور علاقے میں 6 اکتوبر، 1929 کو تولیندر کی پیدائش ہوئی۔ تولیندر کے والد دھنی رام ورما ایک استاد تھے، نیز وہ گاندھیائی نظریات سے کافی متاثر تھے، شاید یہی وجہ رہی ہوگی کہ تولیندر کو گاندھی جی سے ملنے اور ان کے فلسفے کو جاننے کا موقع ملا۔
تولیندر سنگھ نے بچپن سے ہی نغمہ سرائی شروع کر دی تھی، وہیں باپو کو تولیند کے بھجن کافی محبوب تھے۔ جب گاندھی جی نے سیواگرام میں قیام کیا، اس وقت ورما خاندان کو گاندھی جی سے ملنے کا موقع ملا، وہیں تولیندر نے باپو کے لیے بھجن گانا شروع کیا۔
تولیندر بچین سے ہی اپنی پڑھائی میں لاجواب تھے، جب انھوں نے اعلیٰ تعلیم کے لیے ناگ پور کا سفر کیا، وہاں انھیں راما کرشنا آشرم میں ٹھہرنے کا موقع ملا، یہاں تولیندر سوامی ویکانند کے نظریات سے کافی متاثر ہوئے۔ تولیندر نے امتیازی نمبرات سے ریاضی میں ایم ایس سی مکمل کی، نیز تولیندر یو پی ایس سی کے امتحانات میں ٹاپ ٹین میں شامل تھے۔
تاہم تولیندر کی ترجیح انسانیت کی خدمت تھی، لہذا انھوں نے اپنی نوکری چھوڑ دی۔ انہوں نے رام کرشن مشن میں کام کرکے لوگوں کی خدمت شروع کردی۔
تولیندر نے نارائن پور اور رائے پور میں راما کرشنا آشرم کی بنیاد رکھی۔ آج یہ آشرم مریضوں کا علاج کر رہے ہیں اور یہاں تک کہ بچوں کو روحانی علم اور تعلیم بھی دے رہے ہیں۔ 27 اگست 1989 کو سوامی آتمانند کا ایک سڑک حادثے میں انتقال ہوگیا۔
تولیندر سوامی آتمانند نے اپنی پوری زندگی بابائے قوم مہاتما گاندھی اور سوامی ویکانند کے نظریات کو فروغ دینے میں گزاری۔
سوامی آتمانند نے جس طرح سے انسانوں کی خدمت کی وہ کئی نسلوں کے لیے نمونہ عمل ہے۔
