ریاست تلنگانہ میں گزشتہ چودہ روز سے آر ٹی سی ملازمین اپنے مطالبات کو لے کر ہڑتال پر ہیں۔ حکومت اور ملازمین ایک دوسرے کے آگے جھکنے کیلئے تیار نہیں ہیں۔
آج بسوں کو باہر نکلنے نہیں دیا گیا۔ اس کے ساتھ ہی اولا کیبس نے بھی آر ٹی سی ملازمین کی اپیل پر احتجاج میں شامل ہوتے ہوئے خدمات کو معطل کردیا۔
آر ٹی سی اور اولا کے بند کے سبب شہر کے آٹو ڈرائیورز کی من مانی عروج پر رہی۔ آٹو ڈرائیورز نے موقع سے فائدہ اٹھاتے ہوئے مسافروں سے خوب کرایہ وصول کیا۔
مزید پڑھیں : تلنگانہ بند۔ میٹرو ٹرینوں کی تعداد میں اضافہ
مسافر سفر کیلئے بس کے متبادل سواری دستیاب نہ ہونے کی وجہ سے آٹو پر منحصر ہیں اور ہڑتال کے باعث منہ مانگا کرایہ ادا کرنے پر مجبور ہیں۔ دس کلو میٹر کیلئے 100 فی کس سو روپئے وصول کیا گیا۔
اب دیکھنا یہ ہے کہ عوام اس طرح کا نقصان کب تک برداشت کرتی ہے اور حکومت اس سلسلے میں مناسب اقدام کب اٹھاتی ہے۔
