عدالت عظمیٰ نے وزارت قانون سے دو ہفتے کے اندر جواب دینے کو کہا ہے۔
اس سلسلے میں کورٹ نے وزارت قانون سے ناراضگی ظاہر کرتے ہوئے کہا کہ اس کے حکم کے باوجود گذ شتہ چند برسوں میں امیدواروں کی جائیداد میں آمدنی سے زیادہ ترقی کو ٹریک کرنے کے لیے ایک مستقل نظام کا نفاذ کیوں نہیں کیا گیا۔
عدالت عظمیٰ نے قانون ساز کے سیکشن کے سیکریٹری سے دوہفتے میں جواب بھی طلب کیا ہے۔ ساتھ ہی یہ بھی پوچھا ہے کہ فارم 26 میں اس اعلان کو کیوں نہیں شامل کیا گیا ہے۔ جس کے تحت امیدوار کو یہ بتانا ہوتا ہے کہ وہ عوامی نمائندگی کے شرائط کے تحت نااہل ہیں۔
خیال رہے کہ یہ باتیں لوک پرہری ادارے کی جانب سے داخل توہین عدالت کی عرضی پر سماعت کے دوران کہی ہیں۔
واضح رہے کہ 15فروری 2018 کو انتخابی اصلاحات کے سلسلے میں ایک فیصلہ سنایا تھا جس میں عدالت نے کہا تھا کہ انتخابات میں نامزدگی کے وقت امیداور کو اپنی بیوی کے ساتھ ساتھ اپنے ادارے کی آمدنی کے ذرائع کا بھی ظاہر کرنا ہوگا۔
سماعت کے دوران سپریم کورٹ نے کچھ اراکین پارلیمان اور اراکین اسمبلی کی املاک میں پانچ سو گنا اضافے پر بھی سوال کھڑے کیے۔
اس سلسلے میں کورٹ نے کہا تھا کہ یہ ریاست کی ذمہ ہے کہ اراکین پارلیمان سے متعلق مکمل معلومات کو رائے دہندگان تک پہنچائے اور حکومت ایسا میکانزم بنائے جس کے ذریعے ارکان پارلیمان اور ارکان اسمبلی کے اثاثے پر نظر رکھی جا سکے اور اس کا ڈیٹا جمع کیا جا سکے۔
