ریاست کرناٹک کے ضلع یادگیر میں پچھلے چند دنوں سے مسلسل بارش کی وجہ سے عوام کو کئی ایک پریشانیوں کا سامنا کرنا پڑ رہا ہے۔
کولی سماج کے صدر ڈاکٹر امیش نے کہا کہ 'مسلسل بارش کی وجہ سے کئی علاقوں میں پانی جمع ہو چکا ہے۔ ضلع کے کئی دیہاتوں کی سڑکیں بارش کی وجہ سے کیچڑ میں تبدیل ہوگئی ہیں'۔
انہوں نے کہا ہے کہ 'یادگیر کے آس پاس کے دیہاتوں میں کئی ایکڑ فصل تباہ و برباد ہو چکی ہے'۔
ڈاکٹر امیش یادگیر نے بتایا ہے کہ 'شہر میں کئی سڑکوں اور گڑھوں میں جمع شدہ بارش کے پانی کی وجہ سے مچھروں کی افزائش میں اضافہ ہو رہا ہے، جس سے ان علاقوں میں ڈینگو اور ملیریا کی بیماری پھیلنے کا اندیشہ ہے'۔
ڈاکٹر امیش نے محکمہ بلدیہ سے اپیل کرتے ہوئے کہا ہے کہ 'شہر کے نالوں اور خالی جگہوں پر جمع بارش کے گندے پانی کو ہٹانے کے لیے اقدامات اٹھائے جائیں اور جراثیم کش دوا کا چھڑکاؤ کیا جائے۔'
