یہ حادثہ ضلع کے رنااستھلم منڈل کی قومی شاہراہ پر اُس وقت پیش آیا جب ٹورسٹ بس کے ڈرائیور نے اس کا توازن کھودیا اور یہ بس ٹھہری ہوئی لاری سے ٹکرا گئی۔
اے پی میں سڑک حادثہ، اتراکھنڈ کے مسافرین زخمی
حادثہ کے بعد بس میں آگ لگ گئی اور یہ بس جل کر مکمل طورپر خاکستر ہوگئی۔ یہ بس پوری سے رامیشورم جارہی تھی اور اس میں تمام عقیدت مند سوار تھے۔
حادثہ کے وقت بس میں جملہ 50 مسافر سوار تھے جن میں سے 12زخمی ہوگئے۔ زخمیوں کو علاج کے لیے فوری طورپر اسپتال منتقل کردیا گیا۔ تمام مسافروں کا تعلق اتراکھنڈ سے ہے۔
اطلاع ملتے ہی پولیس اور فائربریگیڈ کے اہلکار وہاں پہنچے۔ فائر بریگیڈ کے اہلکاروں نے آگ پر قابو پایا۔
