کانگریس کے ایک وفد نے جمعہ کو یہاں الیکشن کمیشن سے مل کر اس سلسلے میں ایک میمورنڈم دیا اور اس سلسلے میں فوری طورپر کارروائی کرنے کا مطالبہ کیا۔
پارٹی کے ترجمان آر پی این سنگھ نے بعد میں نامہ نگاروں کو بتایا کہ پورے ملک میں 60 ہزار مقامات پر مسٹر مودی کی تصویر والے ہورڈنگ عام مقامات پر لگائے گئے ہیں۔ انہوں نے اسے انتخابی ضابطہ اخلاق کی خلاف ورزی بتاتے ہوئے کہا کہ ہوائی اڈوں ،ریلوے اسٹیشنوں اور پٹرول پمپوں پر ہورڈنگ لگائی گئی ہیں۔
مسٹر سنگھ نے الزام لگایا کہ گزشتہ پانچ سال کے دوران پیٹرول اور ڈیزل پر ٹیکس میں اضافہ کرکے تشہیر کے لئے ایسے ہورڈنگز لگائے گئے۔ انہوں نے بتایا کہ الیکشن کمیشن نے کہا ہے کہ اس طرح کے ہورڈنگز کو ہٹانے کی مہم چلائی جارہی ہے اور کچھ مقامات پر اگر اسے نہیں ہٹایا گیا تو جلد ہی اسے ہٹایا جائےگا۔ اس سلسلے میں آج الیکشن کمیشن کی ایک جائزہ میٹنگ ہوگی۔
