فوج نے آج ایک بیان جاری کرکے بتایا کہ مشرقی لداخ کی وادی گلوان میں دونوں فوجوں کے جوانوں کے درمیان پرتشدد جھڑپ ہوئي جس میں ایک فوجی افسر اور دو جوان شہید ہوگئے ہیں۔ فوج نے یہ بھی کہا ہے کہ اس جھڑپ میں چینی فوج کے جوان بھی مارے گئے ہیں لیکن ان کی تعداد نہیں بتائی ہے۔ فوج کی طرف سے یہ بھی واضح کیا گیا کہ جھڑپ کے دوران فائرنگ نہیں ہوئی ہے اور صورتحال کو معمول پر لانے کے لئے دونوں ملکوں کے اعلی فوجی افسران کے مابین بات چیت جاری ہے۔
اس کے فورا بعد ہی مسٹر راجناتھ سنگھ نے وزیر خارجہ ایس جیےشنکر کی موجودگی میں، چیف آف ڈیفنس اسٹاف جنرل بپن راوت اور تینوں افواج کے سربراہوں کے ساتھ لگ بھگ ایک گھنٹے کی میٹنگ میں واقعے کا تفصیلی جائزہ لیا۔ میٹنگ میں موجودہ صورتحال سے نمٹنے کے لئے لائحہ عمل اور اقدامات کے بارے میں بھی تبادلہ خیال کیا گیا۔
بعد میں، وزیر دفاع نے وزیر اعظم مودی کو بھی واقعے کے بارے میں تفصیل سے اطلاع دی اور ان کے ساتھ تازہ صورتحال پر تبادلہ خیال بھی کیا۔