شاعرانہ انداز میں راہل گاندھی کا مودی پر طنز

کانگریس پارٹی کے سینیئر رہنما اور رکن پارلیمان راہل گاندھی نے وزیر اعظم نریندر مودی پر شاعرانہ انداز میں تنقید کی ہے۔

بھارت اور چین کے مابین جاری سرحدی تنازع اور 20 بھارتی فوجیوں کی ہلاکت پر وزیراعظم کی خاموشی پر کانگریس رہنما راہل گاندھی نے شاعرانہ انداز میں ان سے وضاحت طلب کی ہے۔

بشکریہ ٹویٹر

راہل گاندھی نے اپنے ٹویٹر اکاؤنٹ پر لکھا کہ

تو اِدھر اُدھر کی نہ بات کر

یہ بتا کہ قافلہ کیسے لُٹا

مجھے رہزنوں سے گلہ تو ہے

پر تیری رہبری کا سوال ہے

واضح رہے کہ گزشتہ روز وزیراعظم نریندر مودی نے عوام سے خطاب کیا تھا جس میں انہوں نے غریبوں کو اناج فراہم کرنے اور کسانوں کی مدد کرنے جیسے موضوع پر بات کی تھی لیکن بھارت اور چین تنازع پر کچھ نہیں کہا تھا اسی لیے راہل گاندھی نے انہیں ہدف تنقید بنایا۔