تمل ناڈو میں 'سی اے اے کے خلاف مظاہرہ جاری

شہریت ترمیمی قانون، این آر سی اور این پی آر کے خلاف لوگ احتجاج کررہے ہیں، مظاہرین دارالحکومت چینئی کے ولاج کالج روڈ سے سکریٹریٹ تک مارچ نکال رہے ہیں۔

گزشتہ دنوں چینئی میں سی اے اے کے خلاف مظاہرہ کررہے احتجاجیوں کو پولیس نے حراست میں لے لیا تھا، اطلاعات کے مطابق پولیس نے مظاہرہ کررہے تقریبا 100 افراد کو حراست میں لیا تھا۔

لیکن مظاہرین ٹس سے مس ہونے کا نام نہیں لے رہے ہیں، اور لوگوں کا مظاہرہ مزید شدت اختیار کرتا جا رہا ہے۔

چینئی ہی نہیں بلکہ ملک بھر کے مختلف مقامات پر شہریت ترمیمی قانون کے خلاف مظاہرہ اور دھرنا جاری ہے، دہلی کے شاہین باغ کے طرز پر کئی مقامات پر خواتین دھرنے پر گزشتہ دو ماہ سے بیٹھی ہیں۔