کچھ اسی طرح "ٹیپو سلطان - دی انٹولڈ اسٹوری" ایک نئی فلم بنائی جارہی ہے۔
فلم کار کی ٹیم کا کہنا ہے کہ اس فلم میں ٹیپو سلطان کی بچپن سے لیکر جوانی و ان کے شہید ہونے تک کی کئی اہم اور ان کہی تاریخی پہلوؤں کو درشایا جائے گا۔
آج شہر بنگلور میں "ٹیپو سلطان - د انٹولڈ اسٹوری" کی ٹیم ٹیپو یونائیٹیڈ فرنٹ کی جانب سے اس فلم کے پوسٹر کا اجرا کیا گیا.
فلم کے ذمہ داروں نے ای ٹی وی بھارت سے خصوصی طور پر بات کی اور اس فلم کے متعلق تفصیلات بتائی۔
اس فلم کی اسکرپٹ رائٹر ممبئی سے تعلق رکھنے والی رحمت شیخ رفیع ہیں جب کہ کیرالہ سے تعلق رکھنے والے سریجو سری دھر اس کے ڈائریکٹر ہیں۔
اس فلم سے متعلق اپنی رائے دیتے ہوئے معروف سماجی کارکن اور مؤرخ پرفیسر نرسمہا مورتی نے کہا کہ چند فرقہ پرست طاقتیں ٹیپو سلطان کی شبیہ کو بگاڑنے کے لئے جھوٹی باتیں پھیلا رہی ہیں اور عظیم مجاہد آزادی کو ایک متعصب شخص کے طور پر پیش کرنے کی کوشش کر رہی ہیں جو کہ سراسر غلط ہے.
پروفیسر نرسمہا مورتی نے مزید بتایا کہ تاریخ گواہ ہے کہ ٹیپو سلطان نے نہ صرف برطانیوں کے خلاف جنگ لڑی بلکہ سماج میں اصلاحات لانے کے لئے بھی متعدد اقدامات اٹھائے اور ٹیپو سلطان نے ملک کے لئے بیشمار قربانیاں دی ہیں جو کبھی فراموش نہیں کی جاسکتی ہیں۔
