وزیراعظم نریندر مودی نے نئے لوک سبھا کے اراکین کا استقبال کرتے ہوئے کہا کہ اگر پارلیمنٹ بہتر انداز میں کام کرے تو لوگوں کی امیدوں کو پورا کرسکتی ہے۔
وزیراعظم نے 17ویں لوک سبھا کے پہلے دن نئے ارکان پارلیمنٹ کا استقبال کرتے ہوئے کہا گزشتہ پانچ برسوں کا تجربہ ہے کہ جب ایوان کی کارروائی صحت مند ماحول میں چلی ہے، تب ملک کے مفاد میں فیصلے بھی بہت اچھے ہوئے ہیں۔
ان تجربات کی بنیاد پر 'میں امید کرتا ہوں کہ سبھی پارٹیاں بہت ہی اچھی بحث ،مفاد عامہ کے فیصلے اور عوام کی امیدوں کو پورا کرنے کی سمت میں آگے بڑھیں گی'۔
نریندر مودی نے 'سب کا ساتھ، سب کا وکاس' نعرے کا ذکر کرتے ہوئے کہا کہ ملک کے عوام میں 'سب کا ساتھ سب کا وکاس' نعرے نے ایک انوکھا یقین پیدا کردیا اور اس یقین کو لے کر لوگوں کی امیدوں اور خوابوں کو پورا کرنے کی کوشش کی جائےگی۔
