اسرائیل کی پولیس نے مغربی کنارے میں ایک فلسطینی کو اسرائیلی افسر کو کار تلے کچلنے کی کوشش کا الزام عائد کرتے ہوئے فائرنگ کرکے قتل کردیا۔
پولیس ترجمان کا کہنا ہے کہ 'یہ واقعہ مشرقی یروشلم کے علاقے ابودیس میں اسرائیلی فوج کے چیک پوائنٹ کے قریب پیش آیا۔ جبکہ پولیس افسر معمولی زخمی ہوا'۔
فلسطینی حکام کی جانب سے واقعہ پر کوئی بیان سامنے نہیں آیا۔
فلسطینیوں نے اسرائیلی وزیراعظم کے فیصلہ کو مسترد کردیا جبکہ اقوام متحدہ سمیت دنیا کے دیگر ممالک نے بھی تشویش کا اظہار کیا۔
اقوام متحدہ کے انسانی حقوق کونسل کے کم از کم 50 ماہرین نے گزشتہ ہفتے اسرائیل کی جانب سے مقبوضہ مغربی کنارے کے انضمام کے منصوبے کو 'اکیسویں صدی کی عصبیت کا وژن' قرار دیتے ہوئے مذمت کی۔
ماہرین نے خبردار کیا تھا کہ اس طرح کا قدم بین الاقوامی قانون کی خلاف ورزی ہوگی۔
