بھارتی فضائیہ نے پاکستانی ڈرون کو مار گرایا

بھارتی فضائیہ نے پاکستان کے ایک ڈرون کو مار گرایا۔ یہ واقعہ ریاست راجستھان میں پیش آیا۔

خبر رساں ایجنسی اے این آئی کے مطابق، پیر کے دن 11:30 بجے راجستھان کے بکانیر میں بھارتی راڈار نے پاکستان کے ایک ڈرون کی نشاندہی کے فوری بعد اسے مار گرایا۔

فضائیہ کی جانب سے اس کے لیے سکھوئی ۔30 کا استعمال کیا گیا۔

خبر رساں ایجنسی کے مطابق، بھارت کے دفاعی تنصیبات کی جاسوسی کے لیے پاکستان نے ڈرون کا استعمال کیا۔

قابل ذکر ہے کہ گذشتہ ماہ 26 فروری کو بھی بھارتی فضائیہ نے گجرات کے کچھ میں ایک پاکستانی ڈرون کو مار گرایا تھا۔