انڈیپنڈنٹ ہائی کمیشن فار ہیومن رائٹس آف عراق (آئی ایچ سی ایچ آر) کے اعداد و شمار کے مطابق یکم اکتوبر سے جاری حکومت مخالف مظاہروں کے دوران ابھی تک 300 سے زائد افراد ہلاک اور تقریباً 15 ہزار دیگر زخمی ہو گئے ہیں۔
عراق میں پرتشدد مظاہروں میں سینکڑوں ہلاک
یہ احتجاج عبدالمہدی کی حکومت کے سال مکمل ہونے کے موقع پر آن لائن دی گئی کال کے جواب میں کیا گیا ہے۔
چند روز قبل آئی ایچ سی ایچ آر نے ایک بیان میں کہا تھا کہ ان کی ٹیم نے بغداد اور عراق کے کئی صوبوں میں احتجاجی مظاہروں کی نگرانی کی جس میں پتہ چلاکہ سلامتی دستے مظاہرین کو منتشر کرنے کے لیے مسلسل آنسو گیس اور اسٹن گرینیڈ کا استعمال کررہے ہیں۔ جس کے بعد عراقی فوج نے اس دعوے کو خارج کردیا تھا۔
واضح رہے کہ بین الاقوامی تنظیم ٹرانسپرنسی انٹرنیشنل کے مطابق بدعنوان ترین ممالک کی فہرست میں عراق کا نمبر 12وں ہے۔
