نیٹ کے امتحان کے نتیجے میں 720 نمبرات حاصل کر بھارت میں ٹاپر بنے شعیب آفتاب نے اجمیر کی درگاہ پہنچ کر شکرانہ ادا کیا۔
شعیب آفتاب کی سلطان الہند حضرت خواجہ معین الدین حسن چشتی رحمۃ اللہ علیہ کی درگاہ پہنچنے پر درگاہ کے خادموں نے ان کا زبردست استقبال کیا۔
میڈیکل یوزی کورس کے داخلے کیلئے 15 لاکھ 97 ہزار امیدواروں نے رجسٹریشن کروایا تھا، جن میں شعیب آفتاب نے پہلا مقام حاصل کر مسلم سماج فخر کرنے کا موقع فراہم کیا ہے۔
شعیب آفتاب اپنی اس کامیابی کا شکرانہ ادا کرنے اجمیر درگاہ پہنچے، جہاں انہوں نے خواجہ غریب نواز کی بارگاہ میں والدین کے ساتھ چادر پیش کی۔
راجستھان کے شہر کوٹا میں رہ کر دو برس سے تعلیم حاصل کر رہے اڈیشہ راول کیلہ کے رہنے والے شعیب آفتاب کا اجمیر درگاہ پہنچنے پر مقامی لوگوں نے گل پوشی سے استقبال کیا اور ان کے روشن مستقبل کی دعا مانگی۔
خواجہ غریب نواز کی بارگاہ میں خادم سید بلال چشتی اور سید دانیال چشتی نے انہیں زیارت کرائی اور دستار بندی کر دربار کا تبرک پیش کیا۔
