مظفر نگر پولیس نے ڈرگ مافیا کے خلاف زیرو ڈگرس مہم کے تحت مسلسل کارروائی کے دوران چار منشیات فروشوں کو گرفتار کرتے ہوئے ان کے قبضہ سے دیڑھ کروڑ کے منشیات ضبط کی ہیں جن میں گولیاں اور انجکشن بھی شامل ہیں۔
گرفتار شدگان کی شناخت ساحل عرف شاہویز ، سشیل ، سببان ، فرمان کی حیثیت سے کی گئی ہے اس ملزم انوپ گرگ فرار بتایا جارہا ہے۔
ایس ایس پی ابھیشیک یادو نے پریس کانفرنس کے دوران کہا کہ 4 دسمبر کو زیرو ڈرگس کمپین کے تحت پولیس سول لائن پولیس ، کرائم برانچ (سوات ٹیم) اور ڈرگس ڈیپارٹمنٹ ٹیم نے چار بین ریاستی منشیات فروشوں کو گرفتار کیا۔
گرفتار ملزمان کے قبضے سے بڑی تعداد میں منشیات اور انجیکشن برآمد ہوئے جن کی مارکیٹ مالیت تقریبا 1.5 ڈیڑھ کروڑ روپے ہے۔ یہاں سے ڈرگس ریاست کے متعدد اضلاع کے علاوہ ہریانہ ، پنجاب ، اتراکھنڈ وغیرہ کو بھی سپلائی کی جاتی ہے اور فروخت کنندہ یہ دوائیں مقررہ قیمت سے زیادہ دام پر فروخت کرتے ہیں اور بھاری منافع کماتے تھے۔
