ایئر انڈیا ایکسپریس کے ملازمین نے دہلی ہوائی اڈے پر شریک پائلٹ اکھلیش کمار کو خراج تحسین پیش کیا۔
اکھلیش کمار کیرالہ کے کری پور ہوائی اڈے پر لینڈنگ کے دوران گر کر تباہ ہونے والی پرواز کے شریک پائلٹ تھے۔ ان کی لاش کو اترپردیش کے متھورا میں واقع ان کے آبائی مقام لے جایا جارہا ہے۔
ملاپورم کے ضلعی کلکٹر کے گوپالاکرشن نے کہا ہے کہ 'یہ لاش ان کے اہل خانہ کے حوالے کردی جائے گی۔'
بتادیں کہ جمعہ (سات اگست 2020) کو ایئر انڈیا کا بوئنگ 737 طیارہ کیرالہ کے کوزی کوڈ کے کری پور ایئرپورٹ پر لینڈنگ کے دوران گر کر حادثے کا شکار ہوگیا۔ اس حادثے میں پائلٹ کیپٹن ڈی وی ساٹھے اور شریک پائلٹ سمیت 19 افراد ہلاک اور اور 172 زخمی ہوگئے۔
کوزی کوڈ کے ضلعی کلکٹر ایس سمبیسوا را نے ایک خبر رساں ایجنسی کو بتایا کہ لاشیں میڈیکل کالج اسپتال میں پوسٹ مارٹم کرنے کے بعد حوالے کردی گئیں اور شام تک اسے اہل خانہ کے حوالے کردیا گیا۔
نیشنل ڈیفنس اکیڈمی کے ایک سابق طالب علم کیپٹن دیپک ساٹھے، بھارتی فضائیہ میں ونگ کمانڈر تھے، اس سے بعد وہ تجارتی طیاروں کی پرواز میں شامل ہوگئے۔ ممبئی کے پوئی کے رہائشی کیپٹن ساٹھے کی بیوی اور دو بیٹے ہیں۔ ان کے والد کرنل وسنت ساٹھے اور والدہ نیلہ ناگپور میں قیام پذیر ہیں۔
اترپردیش کے متھورا کے رہنے والے اکھلیش کمار کی آٹھ ماہ کی حاملہ بیوی میگھا ہے، جس سے انہوں نے 2017 میں شادی کی تھی۔ ان کے اہل خانہ میں دو چھوٹے بھائی، بہن اور اس کے والدین شامل ہیں۔
