نڈا نے یہاں بی جے پی ہیڈکوارٹر میں وزیراعظم مودی کی 70 ویں سالگرہ کے موقع پر پارٹی کے ترجمان کمل سنڈیش کے خصوصی شمارہ کے اجرا کے موقع پر ایک مختصر تقریب سے خطاب کرتے ہوئے انہوں نے کہا ، "ہم نے سیاست میں بہت سی حکومتوں کو دیکھا ہے۔" مودی کی قیادت میں کام ہم نے اور پوری دنیا نے دیکھی ہے، وہ صرف کسی پروگرام یا پالیسی کو عملی جامہ پہنانا نہیں ہے، بلکہ انہوں نے سیاسی کلچر کو بھی تبدیل کیا ہے۔
بی جے پی صدر نے کہا کہ مودی کے یوم پیدائش کی یاد میں سیوا [خدمت] ہفتہ منایا جارہا ہے۔ اس مدت کے دوران خدمت کے بہت سارے پروگرام چلائے جارہے ہیں۔ لاکھوں کارکنان صحت کے پروٹوکول کو مدنظر رکھتے ہوئے خدمت کام کررہے ہیں۔ انہوں نے ڈاکٹر شیاما پرساد مکھرجی ٹرسٹ کے کمل سندیش کے خصوصی شمارے پر تمام عہدیداروں کو مبارکباد پیش کی۔ یہ خصوصی شمارہ مودی کے کام اور ان کے بچپن سے لے کر اب تک کے ان کے فیصلوں پر روشنی ڈالتا ہے۔
اس پروگرام میں بی جے پی کے جنرل سکریٹری ارون سنگھ اور ڈاکٹر انیل جین ، ڈاکٹر شیاما پرساد مکھرجی ٹرسٹ کے سکریٹری نندکیشور گرگ، خزانچی گوپال کرشنا اگروال ، کمل سندیش کے ایگزیکٹو ایڈیٹر ڈاکٹر شیوشکتی بخشی اور اسسٹنٹ ایڈیٹر سنجیو سنہا بھی موجود تھے۔
