وزیراعظم نریندرمودی نے ملک کےپہلے چیف آف ڈفینس اسٹافسی ڈی ایس جنرل بپن راوت کو ایک بہترین افسربتاتے ہوئے انہیں نئی ذمہ داریوں کےلئے مبارکباد اور دعائیں دی ہیں۔
مسٹرمودی نے ٹویٹر پر لکھا کہ' مجھے خوشی ہے کہ نئے سال اور نئی دہائی کی شروعات کے ساتھ ہی بھارت کو جنرل بپن راوت کے طورپر اپنا پہلا چیف آف ڈفینس اسٹاف مل گیا ہے۔میں اس ذمہ داری کےلئے انہیں مبارکباد اور دعائیں دیتا ہوں۔وہ ایک بہترین افسر ہیں جنہوں نے بہت جوش کے ساتھ بھارت کی خدمت کی ہے'۔
انہوں نے کہا کہ پہلے سی ڈی ایس کا عہدہ سنبھالنے کے موقع پر وہ ملک کی حفاظت میں اپنی جان قربان کرنے والے سبھی شہیدوں کو خراج عقیدت پیش کرتے ہیں۔وہ کرگل میں لڑے بہادر فوجیوں کو یاد کرتے ہیں، جس کے بعد فوج میں اصلاح پر کئی بحث شروع ہوئی، جس سے آج کی تاریخ میں تبدیلی ہوئی۔
مزید پڑھیں: نئے سال کے جشن کے دوران حادثہ، پانچ ہلاک
وزیراعظم نے کہاکہ ' میں نے 15اگست 2019کو لال قلع سے یہ اعلان کیاتھا کہ بھارت میں ایک چیف آف ڈفینس اسٹاف ہوگا۔اس تنظیم پر ہمارے فوجی دستوں کی تجدید کاری کی بڑی ذمہ داری ہوگی۔یہ 1.3 ارب بھارتیوں کی امیدوں کو بھی پیش کرےگا'۔
ضروری فوجی مہارت کےساتھ فوجی امور کے محکمے کی تعمیر اور سی ڈی ایس کے عہدے کی ادارہ سازی ایک اہم اور وسیع اصلاح ہے جس سے ہمارے ملک کو جدید جنگ کی بدلتے چیلنجوں کا سامنا کرنے میں مدد ملے گی۔
