لوک سبھا اسپیکر اوم برلا نے سنیچر کو نامہ نگاروں کو بتایا کہ یہ ایپ چھ مہینے میں تیار ہوجائے گا۔
اس ایپ پر ایوان کے بارے میں ایسی معلومات ہوگی جو عام کرنے کے لائق ہے۔
انہو ں نے بتایا کہ اس ایپ پر 1952میں قائم کی گئی لوک سبھا سے لیکر اب تک کی تمام لوک سبھاؤں کی کارروائی کا آڈیو اور ویڈیو بھی دستیاب کرایا جائے گا۔
مسٹر برلا نے کہا کہ بہت پرانی کارروائی کے کچھ حصے دوردرشن کے پاس بھی ہیں، لیکن جہاں سے بھی جتنا بھی مل سکے گا اسے ایپ پر ڈال دیا جائے گا۔
پرانی کارروائی کے علاوہ لوک سبھا کے ردعمل کے بارے میں عام معلومات بھی اس ایپ پر ہوگی۔
