لیبیا: پرتشدد جھڑپوں میں 90 شہری ہلاک: اقوام متحدہ

لیبیا کے مرزق شہر میں ہونے والی فرقہ وارانہ پرتشدد جھڑپوں میں کم از کم 90 شہریوں کی موت ہو گئی اور سینکڑوں دیگر زخمی ہو گئے ہیں۔

اقوام متحدہ کے ترجمان نے جاری بیان میں کہا کہ جنوبی لبیا کے مرزق شہر میں اس ماہ کے آغاز میں فضائی حملوں سمیت پرتشدد جھڑپوں میں کم از کم 90 شہریوں کی موت ہو گئی اور 200 سے زائد افراد زخمی ہو گئے۔

انہوں نے کہا کہ مرزق شہر کے علاقے میں 4 اگست کو ہوائی حملے کے بعد مسلسل پرتشدد جھڑپوں میں اضافہ ہو رہا ہے۔ عید الاضحی کے دوران بھی لڑائی جاری رہی۔ اقوام متحدہ نے 10۔11 اگست کو جنگ بندی کی کوشش کی تھی۔

انہوں نے کہا کہ ان پر تشدد جھڑپوں کی وجہ سے مغربی افریقہ سے 6426 افراد اور 270 مہاجر بے گھر ہو گئے ہیں۔

مرزق شہر کے بنیادی ڈھانچے اور بازاروں کو بڑے پیمانے پر نقصان ہوا ہے۔