پڈوچیری کی لیفٹننٹ گورنر کرن بیدی نے منگل کے روز کہا کہ مرکز کے زیر انتظام ریاست میں مزدور گروپ کورونا وائرس کے انفیکشن کے سب سے بڑے ذرائع ہیں۔
بیدی نے لوگوں سے، خاص طور پر لیبر گروپس، صفائی ستھرائی کے کارکنوں اور مالز میں کام کرنے والے افراد سے گزارش کی کہ وہ ماسک پہننے، معاشرتی دوری کی پیروی کرنے اور صفائی ستھرائی رکھنے جیسے رہنما اصولوں پر عمل کریں۔انہوں نے اپنے واٹس ایپ پوسٹ میں کہا، ”ہم کارروائی نہیں بلکہ قواعد کی تعمیل چاہتے ہیں۔
یہ بھی پڑھیں:کوویکسین رجسٹریشن کا عمل شروع ہوگیا
جو شخص قواعد و ضوابط پر عمل نہیں کرتا ہے اسے اپنے اور معاشرے کے تحفظ کے لئے کارروائی کا سامنا کرنا پڑے گا۔لیفٹیننٹ گورنر نے تملناڈو کے بارے میں کہا کہ ہم پڑوسی ہیں اور ہمیں ایک دوسرے کا ساتھ دینے کی ضرورت ہے اور دونوں کو صحت مند رہنا ہوگا۔
