ممبئی: مہاراشٹر میں مہایوتی کی نئی حکومت کی تشکیل کے لیے کوششیں جاری ہیں۔ اسی سلسلے میں منگل کو وزیر اعلیٰ ایکناتھ شندے نے گورنر کو اپنا استعفیٰ سونپ دیا ہے۔ اس موقع پر شندے کے ساتھ این سی پی سربراہ اجیت پوار اور بی جے پی کی جانب سے وزیراعلیٰ کے دعویدار دیویندر فڑنویس تھے۔ ایکناتھ شندے نئی حکومت کی حلف برداری تک نگراں وزیر اعلیٰ کے عہدے پر فائز رہیں گے۔
Maharashtra Chief Minister Eknath Shinde resigned from his post and the Governor appointed him as caretaker Chief Minister until the next government is sworn in.
— ANI (@ANI) November 26, 2024
(Source: Raj Bhavan) pic.twitter.com/uKVvHbxOWz
وزیراعلیٰ ایکناتھ شندے نے منگل کو راج بھون پہنچ کر گورنر سی پی رادھا کرشن کو اپنا استعفیٰ سونپ دیا۔ اس کے ساتھ ہی موجودہ مہاراشٹر اسمبلی کی میعاد ختم ہو گئی۔
رادھا کرشن نے شندے سے درخواست کی کہ وہ نئی حکومت کی تشکیل تک نگراں وزیر اعلیٰ کے طور پر خدمات انجام دیتے رہیں۔ مہایوتی حکومت نے جون 2022 میں اقتدار سنبھالا تھا۔ حکمراں اتحاد نے 20 نومبر کو ہونے والے انتخابات میں 288 اسمبلی سیٹوں میں سے 235 سیٹیں جیت کر فیصلہ کن کامیابی حاصل کی ہے۔
تاہم مہایوتی اتحاد نے ابھی تک اپنے نئے وزیر اعلیٰ کا اعلان نہیں کیا ہے۔ بدھ تک باضابطہ فیصلہ متوقع ہے۔ 2019 سے مہاراشٹر کے سیاسی منظر نامے میں اہم تبدیلیاں دیکھی گئی ہیں۔
مہایوتی نے وزیراعلیٰ کے چہرے کا اعلان کیے بغیر ہی الیکشن لڑا۔ وزیر اعلیٰ ایکناتھ شندے، نائب وزیر اعلیٰ اجیت پوار اور نائب وزیر اعلیٰ دیویندر فڑنویس نے وقتاً فوقتاً یہ واضح کر دیا ہے کہ وزیر اعلیٰ کے عہدے کا فیصلہ تینوں پارٹیوں کے لیڈر مل بیٹھ کر لیں گے۔
یہ بھی پڑھیں:
