جنوبی افریقہ کرکٹ ٹیم کے شاندرا آل راؤنڈر کھلاڑی جے پی ڈومنی نے اعلان کیا ہے کہ وہ رواں سال ہونے والے عالمی کپ کے بعد یک روزہ کرکٹ سے سبکدوش ہو جائیں گے، تاہم بین الاقوامی اور گھریلو ٹی 20 کے لیے دستیاب رہیں گے۔
واضح رہے کہ عالمی کپ رواں برس 30 مئی سے شروع ہوگا۔
ڈومنی نے کہا کہ میری خواہش ہے کہ میں اپنا زیادہ سے زیادہ وقت اپنے خاندان کے ساتھ گزارنا چاہتا ہوں۔
انہوں نے مزید کہا کہ 'مجھے معلوم ہے کہ اس طرح کے فیصلے لینا کافی مشکل ہے، لیکن میرا خیال ہے کہ اب وقت آگیا ہے کہ نئی نسل کو موقع دیا جائے۔
واضح رہے کہ ڈومنی اب تک 46 ٹیسٹ، 182 یک روزہ اور 71 ٹی 20 میچوں میں جنوبی افریقہ کی نمائندگی کرچکے ہیں۔
