جیا پردہ رامپور میں ایک اتنخابی ریلی کے دوران اعظم خاں کو قرآن کا حوالہ دیا اور کہا کہ قرآن میں خواتین کی عزت کے لیے کہا گیا ہے، ان کی خدمت کے لیے کہا گیا ہے، غریبوں کی عصمت کے لیے حفاظت کے لیے کہا گیا ہے، لیکن یہاں ایسا نہیں کیا جا رہا ہے۔
انہوں نے کہا کہ اس لیے یہاں میں انصاف کے لیے آئی ہوں، یہ انصاف صرف میرے لیے نہیں، بلکہ آپ کے لیے ہے، آپ کے گھر میں ماں، بیٹی اور بہو ہے۔
انہوں نے کہا کہ کوئی شخص ایک خاتون کے حق میں ایسے نازیبا الفاظ کیسے استعمال کر سکتا ہے۔
جیا پردہ اس سے قبل دوبار ایس پی کی ٹکٹ پر رام پور سے رکن پارلیمان منتخب ہو چکی ہیں، لیکن اس بار بی جے پی کی ٹکٹ پر میدان میں ہیں۔
اترپردیش کے رامپور پارلیمانی حلقے سے سماج وادی پارٹی کے امیدوار اعظم خان پر بی جے پی کی امیدوار جیا پردہ کے خلاف قابل اعتراض مبینہ بیان بازی کرنے کا الزام ہے۔
اعظم خاں نے رام پور میں اتوار کے روز ایک انتخابی ریلی سے خطاب کرتے ہوئے کہا تھا کہ 'میں نے اسے (مبینہ جیا پردہ) رامپور لے آیا۔ آپ اس کے گواہ ہیں کہ میں نے کسی کو اس کے جسم کو چھونے کی اجازت نہیں دی'۔
انہوں نے کہا تھا کہ' آپ کو ان کے اصلی چہرے کو پہنچاننے میں 17 برس گزر گئے، لیکن اس کو میں نے17 دن کے اندر ہی پہچان لیا تھا کہ اس کی چڈی خاکی رنگ کی ہے'۔
اعظم کے اس بیان پر الیکشن کمیشن نے ان پر 72 گھنٹے کے لیے انتخابی مہموں میں حصہ لینے پر پابندی لگادی ہے۔
رام پور کے شاہ آباد میں اعظم خان کے قابل اعتراض بیان کی وجہ سے ایف آئی آر درج کرایا گیا ہے۔
پولیس نے اعظم خان کے خلاف آئی پی سی کی دفعہ 509 تحت خواتین کی نفس عزت کو ٹھیس پہنچانے کے الزام میں مقدمہ درج کیا ہے۔
وہیں اعظم خان نے واضح کیا ہے کہ انہوں نے جیا پردہ کے خلاف کوئی قابل اعتراض بیان نہیں دیا ہے۔
اعظم خاں نے کہا کہ اگر قصوروار ٹھہرایا گیا تو میں پارلیمانی انتخابات میں حصہ نہیں لوں گا۔
اعظم خان نے صفائی دیتے ہوئے کہا کہ میرا یہ بیان اس شخص کے لیے ہے، جنہوں نے کہا تھا کہ 'اس نے اپنے 150 رائفلز لائے تھے، اگر اعظم نظر آتے تو اسے مار دیتا۔ میرے رہنماؤں نے اس وقت اسے پہچاننے میں غلطی کی تھی، لیکن اس وقت ظاہر ہو چکا ہے کہ وہ آر ایس ایس کی چڈی پہنے ہوئے تھا'۔
قومی کمیشن برائے خواتین نے اعظم خان بیان کو اس مبینہ قابل اعتراض بیان بازی کی وجہ سے نوٹس جاری کیا ہے۔
قومی کمیشن برائے خواتین کی سربراہ ریکھا شرما نے اس نہایت توہین آمیز قرار دیا اور کہا کہ اعظم خان کو اب سبق سکھایا جانا چاہیے۔
