جموں: سرینگر قومی شاہراہ پر ہائی الرٹ

ریاست جموں و کشمیر کے ضلع رام بن کے بانہال علاقے میں گذشتہ روز ایک زور دار دھماکے بعد آج بھی ٹریفک کی آمد ورفت متاثر ہے۔

ٹریفک کی آمد ورفت متاثر ہونے سے مسافرین، ملازمین اور اسکولی بچوں کو شدید پریشانیوں کا سامنا کرنا پڑ رہا ہے۔

دھماکے کے بعد جموں سرینگر قومی شاہراہ پر ہائی الرٹ جاری کیا گیا ہے۔

واضح رہے کہ گذشتہ روز ایک سینٹرو کار میں دھماکہ ہوا تھا لیکن اس دھماکے میں کسی بھی جانی نقصان کی اطلاع نہیں ہے، اس کے بعد سے پولیس ہر جگہ ناکہ بندی کر کے تلاشی لے رہی ہے۔

اس معاملے میں ابھی تک کسی افسر کا بیان سامنے نہیں آیا ہے، حالانکہ تفتیشی ایجنسیاں تحقیقات کر رہی ہیں۔