مغربی بنگال کے ضلع علی پورڈوڑ میں ایک کنٹینر ٹرک سے 15 لاکھ روپے مالیت کا غیرقانونی سگریٹ ضبط کیا گیا، جسے بھوٹان پہنچایا جارہا تھا۔
اس سلسلے میں مغربی بنگال پولیس نے ایک شخص کو گرفتار کیا ہے۔ کنٹینر ٹرک کو بھارت-بھوٹان کی سرحد کے قریب جیگاؤں کے علاقے میں روک لیا گیا تھا۔
ایک سینئر افسر نے بتایا کہ 'مغربی بنگال پولیس نے علی پورڈوڑ میں 15 لاکھ روپے کی غیر قانونی سگریٹ ضبط کرلیا ہے اور اس سلسلے میں ایک شخص کو گرفتار بھی کیا ہے'۔
انہوں نے بتایا کہ 'اطلاع پر عمل کرتے ہوئے ایک کنٹینر ٹرک کو بھارت-بھوٹان کی سرحد کے قریب جیگاؤں کے علاقے میں روک لیا گیا'۔
پولیس افسر نے بتایا ہے کہ 'گاڑی کے ڈرائیور کو گرفتار کرلیا گیا ۔ یہ سامان بھوٹان میں پہنچایا جا رہا تھا'۔
مزید پڑھیں: کولکاتا کارپوریشن کے عملہ کے لئے خصوصی بس خدمات کا آغاز
انہوں نے مزید کہا کہ تفتیش جاری ہے۔
